Голландиянинг Эредивизи раҳбарияти, клублар, полиция ва бошқа органлар 9 феврал якшанба куни бўлиб ўтадиган учрашувларни хавфсизлик нуқтаи назаридан ўтказмасликка қарор қилишди.

Бунинг сабаби яқинлашиб келаётган «Киара» бўронидир. Шамолнинг тезлиги соатига 120 километр етиши кутилмоқда.

Қарорга кўра, «Утрехт» – «Аякс», «Спарта» – «Ден Хааг», «АЗ Алкмаар» – «Фейеноорд» ва «Эммен» – «Твенте» жамоалари ўртасидаги учрашувлар бош муддатга қолдирилади.

Қолдирилган учрашувларнинг саналарига кейинроқ аниқлик киритилади.