Бундеслига доирасида Мюнхеннинг “Бавария” клуби «Лейпциг» клубига қарши баҳс олиб борди. Учрашувдан кейин мюнхенликлар футболчиси Томас Мюллер ўз фикрлари билан ўртоқлашди.
«Дастлабки 20 дақиқада жуда фаол ўйнадик, аммо юзага келтирган вазиятлардан оқилона фойдалана олмадик ва муаммо шундаки 0:0 ҳисоб икки жамоани ҳам қониқтирди. Энг аламлиси, биз ҳам шу натижага рози эдик. Учрашувнинг 70-дақиқасидан ҳеч ҳеч қайси бир жамоа таваккал қилишни истамади. Биз ҳали ҳам улардан бир очко олдиндамиз. Уларнинг қарши ҳужумда хавфли эканлигини жуда яхши билардик. Биз ўйин суратини туширишга уриндик, ўша пайтда биз ўзимизнинг кучли тарафларинимизни кўрсата олмадик», - Мюллернинг сўзларидан иқтибос келтирмоқда мюнхенликлар расмий сайти.













