Италиянинг «Милан» клуби ҳужумчиси Златан Ибрагимович “Милан дербиси”даги фикрлари билан ўртоқлашди.
«Нима рўй берганини тушунтириб бериш қийин. Биринчи бўлимда ўзимизни кўрсатдик, Дастлабки 15 дақиқа ҳал қилувчи ролни бажаради ва айнан мана шу вазиятда биз иккита гол ўтказиб юбордик. «Милан» ўйнашдан, ишонишдан ва прессинг қилишдан тўҳтаб қолди. Танаффусдан кейин ўйнимиз қулаб тушди. Ўйлайманки, кўп нарса тажрибага боғлиқ, чунки, ўйинда 2:0 ҳисобида олдинда бораётганингда ўйинни назорат қилишинг керак.
«Милан» биринчи бўлимда ажойиб ўйин кўрсатди. Мен биринчи бўлимда «Интер»дан кўп нарса кутган эдим, лекин улар ўзларининг савияси даражасида ўйнай олишмади. Улар танаффусдан кейингина ўзларини кўрсатишди», - деди Ибрагимович Sky Sport Italia порталига.
