Италиянинг «Милан» клуби ҳужумчиси Златан Ибрагимович принципиал рақиб ҳисобланган «Интер» клуби дарвозасига гол киритди.

Эслатиб ўтамиз, биринчи бўлимнинг қўшиб берилган дақиқалари ўтиб бораётган пайтда Златан рақиб дарвозасини ишғол қилиб, ҳисобни 2:0 кўринишга олиб келди. Бироқ, танаффусдан кейин “Интер” клуби “Милан” дарвозасига тўртта тўп киритиб, якунда 4:2 ҳисобида ғалаба қозонди.

Златан кеча “Милан дербиси”да 38 ёш 129 кунлигида гол киритди. У “Милан дербиси” тарихида гол киритган энг ёши катта футболчи сифатида ўрин олди.

Ибрагимович ҳамюрти Нильс Лидхольмни ортда қолдирди. У “Милан дербиси”да гол урганида 38 ёш 43 кунлик эди.