«Пахтакор» Осиё чемпионлар лигаси гуруҳ босқичининг ушбу мавсумини ғалаба билан бошлашга муваффақ бўлди. Арвеладзе шогирдлари ёмғирли об-ҳавода БААнинг "Шабаб ал-Аҳли" клубини қийинчилик билан мағлуб этишга эришди.
Учрашувнинг 18-дақиқасида Машарипов рақибдан тўпни олиб қўйди ва дарвозабоннинг олдинга чиқиб кетганини кўриб, "парашют" услубида дарвозани ишғол қилди. Ажойиб гол!
Иккинчи бўлимда пахтакорчилар хотиржамлика берилишди. Натижада меҳмонлар 67-дақиқада ҳисобни тенглаштириди. Жаримадан йўлланган зарбани Суюнов қўлидан чиқариб юборди ва Педро Конде дарвозани ишғол қилди.
Тошкентликлар эса тезда иккинчи голни уришди. Қанотдан етказилган узатмага Черан йўллаган зарба у қадар кучли чиқмаган бўлса-да, тўп дарвоза бургагига юмалаб кириб кетди.
Шу тариқа, «Пахтакор» ўз ҳисобига 3 очкони қўшиб қўйди.
ОЧЛ, "В" гуруҳи, 1-тур
"ПАХТАКОР" - "ШАБАБ АЛ-АҲЛИ" (БАА) - 2:1
Ҳакамлар: Адҳам Муҳаммад Тума Маҳадмеҳ, Аҳмад Моаннес Нади, Муҳаммад Мустафо Ҳассан (барчаси Иордания), Сайёджон Зайнидддинов (Тожикистон).
"Пахтакор": Элдорбек Суюнов, Ҳожиакбар Алижонов, Шерзод Аъзамов, Егор Кримец (С), Фаррух Сайфиев, Одил Ҳамробеков, Сардор Собирхўжаев, Достонбек Ҳамдамов, Драган Черан, Жалолиддин Машарипов, Игорь Сергеев.
"Шабаб Ал Аҳли": Мажид Носир, Муҳаммад Марзуқ, Абдулазиз Ҳайкал, Муҳаммад Себил, Юсуф Жабер, Азиз Ғаниев, Исмоил Алҳаммади, Абдулла Нақби, Мажид Ҳассан, Федерико Картабия, Педро Конде.
Голлар: Жалолиддин Машарипов (18), Драган Черан (70) — Педро Конде (67)
Ҳакамлар назоратчиси: Саад Комил Алфадҳли (Кувайт).
Комиссар: Но Жин Кюн (Корея).
