АГМКнинг Дубайдаги ўқув-машғулот йиғини доирасидаги охирги ўйини Хитой Суперлигаси вакили "Шанхай СИПГ"га қарши ўтказилди.

Ўзаро келишувга кўра, 60 дақиқадан иккита назорат беллашуви ўтказилди.

Унга кўра, жамоалар ҳар иккала ўйинда икки хил таркибни синовдан ўтказишди. Биринчи баҳсда жамоамиз 1:2 ҳисобида мағлубиятга учраган бўлса, иккинчи ўйинда ҳисоб очилмади ва дуранг қайд этилди. Дастлабки ўйиндаги биринчи голни рақиб жамоа бурчак зарбасидан кейин уришга муваффақ бўлди. Оскарнинг ошириб берган тўпини Халк дарвозага йўллаган бўлса, хитойликларнинг иккинчи голига Ю Хаи муаллифлик қилди. Учрашувнинг сўнгги дақиқасида эса жамоамизнинг ўнг қанотдан уюштирган ҳужуми самара келтирди. Мирғиёс Сулаймоновнинг жарима майдончасидаги узатмасидан сўнг тўп рақибга теккан ҳолда дарвоза тўридан ўрин олди.

Иккинчи ўтказилган назорат беллашувида эса жамоалар дарвоза тўрига йўл топа олишмади.


Назорат учрашувлари
10.02.2020
1-ўйин
АГМК — “Шанхай СИПГ” 1:2
Дубай, «Jebel Ali Sport Centre»
Голлар: Автогол (60) - Халк (18), Ю Хаи (34)
АГМК (1-ўйин) — Суҳроб Султонов (Роман Абдулов, 30) - Мирғиёс Сулаймонов, Дилшод Жўраев, Бобур Йўлдошев, Сайдулло Раҳматов - Йован Жокич, Баҳром Абдурахимов, Санжар Турсунов - Шаҳзод Нурматов, Мате Ватсадзе, Арслонмират Аманов.

2-ўйин
10.02.2020
АГМК — “Шанхай СИПГ” 0:0
Дубай, «Jebel Ali Sport Centre»
АГМК (2-ўйин) — Валижон Раҳимов (Низомиддин Зиёвутдинов, 30) - Акмал Шораҳмедов, Жасур Умаров, Сардор Раҳмонов, Шероз Жалолов - Эркин Байдуллаев, Миржамол Қосимов, Мурод Тошматов - Ҳожимат Эркинов, Зафар Полвонов, Элгужа Григалашвили.

Шу тариқа олмалиқликларнинг Дубайда олиб борган икки ҳафталик ўқув-машғулот йиғини якунланди ва АГМК эртага Дубай-Тошкент йўналиши бўйича юртимизга қайтиб келади.

Эслатиб ўтамиз, АГМК БААдаги йиғин доирасида жами бешта назорат беллашуви ўтказди ва ўйинларда 2 ғалаба (Туркманистон, "Циндао Хуанхай"), 1 дуранг (Шанхай СИПГ) ҳамда 2 мағлубият ("Шаньдун Лунэн", "Шанхай СИПГ") қайд этди.