AGMKning Dubaydagi o‘quv-mashg‘ulot yig‘ini doirasidagi oxirgi o‘yini Xitoy Superligasi vakili "Shanxay SIPG"ga qarshi o‘tkazildi.

O‘zaro kelishuvga ko‘ra, 60 daqiqadan ikkita nazorat bellashuvi o‘tkazildi.

Unga ko‘ra, jamoalar har ikkala o‘yinda ikki xil tarkibni sinovdan o‘tkazishdi. Birinchi bahsda jamoamiz 1:2 hisobida mag‘lubiyatga uchragan bo‘lsa, ikkinchi o‘yinda hisob ochilmadi va durang qayd etildi. Dastlabki o‘yindagi birinchi golni raqib jamoa burchak zarbasidan keyin urishga muvaffaq bo‘ldi. Oskarning oshirib bergan to‘pini Xalk darvozaga yo‘llagan bo‘lsa, xitoyliklarning ikkinchi goliga Yu Xai mualliflik qildi. Uchrashuvning so‘nggi daqiqasida esa jamoamizning o‘ng qanotdan uyushtirgan hujumi samara keltirdi. Mirg‘iyos Sulaymonovning jarima maydonchasidagi uzatmasidan so‘ng to‘p raqibga tekkan holda darvoza to‘ridan o‘rin oldi.

Ikkinchi o‘tkazilgan nazorat bellashuvida esa jamoalar darvoza to‘riga yo‘l topa olishmadi.


Nazorat uchrashuvlari
10.02.2020
1-o‘yin
AGMK — “Shanxay SIPG” 1:2
Dubay, «Jebel Ali Sport Centre»
Gollar: Avtogol (60) - Xalk (18), Yu Xai (34)
AGMK (1-o‘yin) — Suhrob Sultonov (Roman Abdulov, 30) - Mirg‘iyos Sulaymonov, Dilshod Jo‘rayev, Bobur Yo‘ldoshev, Saydullo Rahmatov - Yovan Jokich, Bahrom Abduraximov, Sanjar Tursunov - Shahzod Nurmatov, Mate Vatsadze, Arslonmirat Amanov.

2-o‘yin
10.02.2020
AGMK — “Shanxay SIPG” 0:0
Dubay, «Jebel Ali Sport Centre»
AGMK (2-o‘yin) — Valijon Rahimov (Nizomiddin Ziyovutdinov, 30) - Akmal Shorahmedov, Jasur Umarov, Sardor Rahmonov, Sheroz Jalolov - Erkin Baydullayev, Mirjamol Qosimov, Murod Toshmatov - Hojimat Erkinov, Zafar Polvonov, Elguja Grigalashvili.

Shu tariqa olmaliqliklarning Dubayda olib borgan ikki haftalik o‘quv-mashg‘ulot yig‘ini yakunlandi va AGMK ertaga Dubay-Toshkent yo‘nalishi bo‘yicha yurtimizga qaytib keladi.

Eslatib o‘tamiz, AGMK BAAdagi yig‘in doirasida jami beshta nazorat bellashuvi o‘tkazdi va o‘yinlarda 2 g‘alaba (Turkmaniston, "Sindao Xuanxay"), 1 durang (Shanxay SIPG) hamda 2 mag‘lubiyat ("Shandun Lunen", "Shanxay SIPG") qayd etdi.