"Барселона" ҳужумчиси Усмон Дембеле 6 ойга сафдан чиқди. Бу ҳақда Каталония клуби расмий сайти маълум қилди.
Франциялик футболчи ўнг тиззасидан олган жароҳати туфайли операция қилинди. Шу тариқа Дембеле мавсумнинг қолган ўйинлари ва 2020 йилги Европа чемпионатини ўтказиб юборадиган бўлди.
Эслатиб ўтамиз, жорий мавсумда 22 ёшли ҳужумчи Ла Лигада 5та, Чемпионлар Лигасида эса 4та ўйинда ҳаракат қилган ва 1та гол урган.