Англиянинг «Манчестер Сити» клуби бош мураббийи Хосеп Гвардиола ЕЧЛнинг плей-офф босқичида Мадриднинг “Реал” клубига қарши бўладиган учрашув ҳақида фикр билдириб,  турнирда ғолибликни қўлга киритмаса, бу клубга катта кулфатлар олиб келиши мумкинлигини айтиб ўтди.

— Фақатгина совринларга ҳисобга олиб, янги авлодга нотўғри хабарлар беряпмиз. Одамлар ҳар йили Гвардиола ёки Клопп совринларга эга чиқишлари кераклиги ҳақида гапиради, лекин бунинг имкони йўқ. Гоҳида кимдир сиздан кучли бўлади, гоҳида сиз шунчаки ғалаба қозона олмайсиз. Агар Сиз ЕЧЛни юта олмасангиз бу фалокат, мабодо ютсангиз бу — муваффақият. Агар шундай бўлса, «Манчестер Сити» юз йилдан кўпроқ вақт мобайнида фалокатда қолган бўлиши керак, лекин бу нотўғри.

Агар биз «Реал»ни юта олмасак, клуб хўжайинлари менинг ёнимга келиб «Сен етарлича яхши мураббий эмассан, мен сени ишдан ҳайдамоқяиман» дейиши мумкин. У шундай қилишини билмайман. Лекин бу амалга ошиши мумкин. Ёки у «Бизда ҳаммаси яхши, қандай қилиб янада кучайишимиз мумкин?» дейиши ҳам мумкин. Мен шу ерга келганимдан бери шундай қилишмоқда, — деди Гвардиола.