"Ливерпуль" ярим ҳимоячиси Жордан Хендерсон "Бавария"да ижарада бўлган "Барселона" ярим ҳимоячиси Филиппе Коутиньо ҳақидаги фикрлари билан ўртоқлашди.
Англиялик футболчининг фикрича, Коутиньонинг "Ливерпуль"даги вақти ортда қолди.
"Фил менинг яқин дўстим. Менимча, у ажойиб футболчи. У ҳамма нарсага эга, шу жумладан тўғри муносабат ва футболга бўлган муҳаббат. Шунинг учун уни "Ливерпуль"да кўрганимдан доим хурсанд бўламан, аммо бу менинг ишим эмас. Бу ҳақда мураббийдан сўраш яхшидир.
Йигитлар уни жуда яхши кўришди, шунинг учун агар улардан бирортасини сўрасангиз, аминманки, улар унинг қайтиб келишини хоҳлашларини айтишади. Аммо менимча, унинг вақти аллақачон ўтиб кетган", - деди Хендерсон.
