Германиянинг «РБ Лейпциг» жамоаси ҳужумчи Тимо Вернер ўзининг “Ливерпульь”га ўтиши ҳақидаги миш-мишларга ойдинлик киритди.

“Ливерпуль” айни дамда дунёнинг энг кучли жамоаси. Уларнинг ўйин услуби исталган жамоани енгишга қодир. Мен бу жамоанинг ўйинларини кузатиб туришимни яшириб ўтирмайман. Сўнгги пайтларда ушбу жамоа мен билан қизиқаётганини эшитиш жуда ёқимли. Тўғриси, “Ливерпуль”дек клуб сен билан қизиқаётганини ҳис этиш жуда ёқимли. “Ливерпуль” катта клуб. Уларнинг таркибида жуда юқори савиядаги ижрочилар жамланган. Айниқса ҳужум чизиғидаги футболчилар билан рақобатга киришиш мушкул.

Шунга қарамай, мен ўз устимда ишлашда давом этмоқчиман. “Ливерпуль” жамоаси даражасига чиқишим учун кўп меҳнат қилишим керак. Биринчи навбатда ўзим вазият яратишим ва ўзим якунлашни тўлиқ ўзлаштиришим керак.

Ҳозирча ўзимни “Ливерпуль” ҳужумчилари даражасидаман дея олмайман, бироқ меҳнат қилишда давом этсам бунинг иложи бор. Агар “Ливерпуль” даражасиа чиқсамгина “қизиллар”га ўтишим мумкин. Ана шунда мерсисайдликлар сафида йўқолиб қолмайман.

Шундай бўлсада, ҳозир бор эътиборимни “РБ Лейипц”даги фаолиятимга қаратганман. Олдимизда жуда муҳим ўйинлар кутиб турибди. Биз кичик жамоамиз тарихида улкан ғалабаларга эришиши учун ҳаракат қиляпмиз. Ўйлашимча, бу мавсумда ички биринчиликда ғолиб чиқиш учун имкониятларимиз чакки эмас. Асосийси сўнгги турларга қадар ғолиблик учун кураш олиб боришимиз керак. Ана шундагина чемпионларга ҳос мавсум ўтказган бўламиз. Мени “Лейпциг” жамоаси янги даражага олиб чиқди. Клубдан кетсам ҳам жамоам олдидаги бурчимни бажармай кетмайман.