Germaniyaning «RB Leypsig» jamoasi hujumchi Timo Verner o‘zining “Liverpul”ga o‘tishi haqidagi mish-mishlarga oydinlik kiritdi.

“Liverpul” ayni damda dunyoning eng kuchli jamoasi. Ularning o‘yin uslubi istalgan jamoani yengishga qodir. Men bu jamoaning o‘yinlarini kuzatib turishimni yashirib o‘tirmayman. So‘nggi paytlarda ushbu jamoa men bilan qiziqayotganini eshitish juda yoqimli. To‘g‘risi, “Liverpul”dek klub sen bilan qiziqayotganini his etish juda yoqimli. “Liverpul” katta klub. Ularning tarkibida juda yuqori saviyadagi ijrochilar jamlangan. Ayniqsa hujum chizig‘idagi futbolchilar bilan raqobatga kirishish mushkul.

Shunga qaramay, men o‘z ustimda ishlashda davom etmoqchiman. “Liverpul” jamoasi darajasiga chiqishim uchun ko‘p mehnat qilishim kerak. Birinchi navbatda o‘zim vaziyat yaratishim va o‘zim yakunlashni to‘liq o‘zlashtirishim kerak.

Hozircha o‘zimni “Liverpul” hujumchilari darajasidaman deya olmayman, biroq mehnat qilishda davom etsam buning iloji bor. Agar “Liverpul” darajasia chiqsamgina “qizillar”ga o‘tishim mumkin. Ana shunda mersisaydliklar safida yo‘qolib qolmayman.

Shunday bo‘lsada, hozir bor e’tiborimni “RB Leyips”dagi faoliyatimga qaratganman. Oldimizda juda muhim o‘yinlar kutib turibdi. Biz kichik jamoamiz tarixida ulkan g‘alabalarga erishishi uchun harakat qilyapmiz. O‘ylashimcha, bu mavsumda ichki birinchilikda g‘olib chiqish uchun imkoniyatlarimiz chakki emas. Asosiysi so‘nggi turlarga qadar g‘oliblik uchun kurash olib borishimiz kerak. Ana shundagina chempionlarga hos mavsum o‘tkazgan bo‘lamiz. Meni “Leypsig” jamoasi yangi darajaga olib chiqdi. Klubdan ketsam ham jamoam oldidagi burchimni bajarmay ketmayman.