Каталониянинг «Барселона» клуби спорт директори Эрик Абидаль “Леганес” клубидан сотиб олинган ҳужумчи Мартин Брейтвейт ҳақида илиқ фикрлар билдирди.
«Даниялик футболчи тажрибали эканлигини тушунишимиз керак. Футболчининг кўриниши унинг кўрсатаётган ўйинига ярашмаслиги мумкин. Аммо, Брейтвейт жисмонан бақувват футболчи саналади. Унинг бу тажрибаси “Барселона” клубидаги жамоадошларига албатта асқотади. Футболчи катта имкониятларга эга.
Унинг «кўк-анорранглилар» сафида тўп суришига шубҳа йўқ. Биз ундан ушбу мавсумда Еврокубокларда фойдалана олмаймиз, лекин Мартин Примерадаги ўйинларимизда фойда олиш келиши аниқ. Клубимиз энг юқори ўринлар учун кураш олиб боришини хоҳлаймиз», — деди Эрик Абидаль.
