Германия Бундеслигасининг 23-тур учрашувида "Бавария" "Падерборн"ни қабул қилди ва иккинчи бўлимнинг сўнгги дақиқаларида Роберт Левандовскининг голи эвазига (3:2) ғалаба тўпини киритишга муваффақ бўлди.

Шуниси эътиборга лойиқки, полшалик ҳужумчи ушбу учрашувда икки марта тўп киритиб, афсонавий Герд Мюллерга тегишли бўлган Германия чемпионатининг рекордини такрорлади.

Гап шундаки, Левандовски Бундеслигадаги 25-голини урди. Бунинг учун унга 1969/70 ва 1971/72 йиллар давомида юқорида айтиб ўтилган Мюллернинг рекорди учун атиги 23 та тур керак бўлди.

Шунингдек, 31 ёшли ҳужумчи Бундеслигада 3 та голга асистентлик қилган.