Дортмунднинг «Боруссия» клуби Бундеслига доирасидаги баҳсда сафарда «Вердер»ни 2:0 ҳисобида таслим этди.
Учрашувнинг 66-дақиқасида Ашраф Ҳакимининг узатмасидан сўнг Эрлинг Ҳоланд ўз номини таблога ёздириб қўйди.
Бу Ҳоланднинг «арилар» сафидаги барча турнирлардаги 8-ўйиндаги 12-голи бўлди.
Маълумот учун, жорий мавсумда 19 ёшли футболчи 30та ўйинда иштирок этиб, 40та гол уришга эришди. Ҳоланд мавсумнинг илк қисмини «Залцбург» сафида ўтказган эди.