Италия чемпионатининг 25-турида «Рома» 23 февраль, якшанба куни «Лечче»га қарши ўйин ўтказиб, йирик ҳисобдаги ғалабани қўлга киритди.

Римликларнинг голларига Женгиз Ўндер (13), Генрих Мхитарян (37), Эдин Жеко (69) ва Александар Коларов (80) муаллиф бўлди. Мазкур ўйиндан кейин «Рома» 42 очко билан 5-ўринга мустаҳкам ўрнашди.

Яна бир Рим клуби «Лацио» сафарда «Женоа» билан ўйнади. Голларга бой бўлган баҳсда пойтахт клуби ғалабани қўлга киритди. Ушбу ғалабадан кейин «Лацио» очколарини 59 тага етказиб олган ҳолда иккинчи ўринда бормоқда ва пешқадам «Ювентус»дан бир очко ортда.

Италия А серияси, 25-тур
23 февраль, якшанба
«Рома» — «Лечче» 4:0
Голлар: 1:0 — 13 Ўндер, 2:0 — 37 Мхитарян, 3:0 — 69 Жеко, 4:0 — 80 Коларов.

«Женоа» — «Лацио» 2:3
Голлар: 0:1 — 2 Марушич, 0:2 — 51 Иммобиле, 1:2 — 57 Кассата, 1:3 — 71 Каталди, 2:3 — 90, пенальти Кришито.