Italiya chempionatining 25-turida «Roma» 23 fevral, yakshanba kuni «Lechche»ga qarshi o‘yin o‘tkazib, yirik hisobdagi g‘alabani qo‘lga kiritdi.

Rimliklarning gollariga Jengiz O‘nder (13), Genrix Mxitaryan (37), Edin Jeko (69) va Aleksandar Kolarov (80) muallif bo‘ldi. Mazkur o‘yindan keyin «Roma» 42 ochko bilan 5-o‘ringa mustahkam o‘rnashdi.

Yana bir Rim klubi «Lasio» safarda «Jenoa» bilan o‘ynadi. Gollarga boy bo‘lgan bahsda poytaxt klubi g‘alabani qo‘lga kiritdi. Ushbu g‘alabadan keyin «Lasio» ochkolarini 59 taga yetkazib olgan holda ikkinchi o‘rinda bormoqda va peshqadam «Yuventus»dan bir ochko ortda.

Italiya A seriyasi, 25-tur
23 fevral, yakshanba
«Roma» — «Lechche» 4:0
Gollar: 1:0 — 13 O‘nder, 2:0 — 37 Mxitaryan, 3:0 — 69 Jeko, 4:0 — 80 Kolarov.

«Jenoa» — «Lasio» 2:3
Gollar: 0:1 — 2 Marushich, 0:2 — 51 Immobile, 1:2 — 57 Kassata, 1:3 — 71 Kataldi, 2:3 — 90, penalti Krishito.