«Тоттенхэм» бош мураббийи Жозе Моуриньо жамоа ҳужумчилари — Харри Кейн ва Сон Хёнг Миннинг аҳволи ҳақида маълумот бериб ўтди.
«Кейн кутилганидан тезроқ соғаймоқда. Демак, у мавсум сўнгида бир, икки, уч, тўрт, бешта ўйинда майдонга тушиши мумкин.
Бу ҳолат қачон рўй беришини билмадиму, аммо Сон Хёнг Мин ва Кейн мавсум охирига қадар биргаликда ўйнаши мумкин», – деди Моуриньо.
Эслатиб ўтамиз, 27 ёшли англиялик футболчи январь ойида оёғидан операция қилинган бўлса, кореялик футболчи қўлини синдириб олгани учун 6-8 ҳафтага сафдан чиққани ҳақида маълумот тарқатилган эди.