Испания чемпионатининг 26-турига старт берилди. Ла лига жадвалида 6-ўринда бораётган «Реал Сосьедад» ўз уийда «Вальядолид»ни қабул қилиб, кичик ҳисобда ғалаба қозонди.

Мезбонлар учрашувдаги ягона голни 60-дақиқада уришди. Аднан Янузайнинг зарбасини "Вальядолид" дарвозаси қайтара олмади. 

Ушбу ғалабадан кейин "Сосьедад" ўз очколарини 43тага етказди ва жадвалда 3-ўринга кўтарилиб олди. Басклар Европа чемпионлар лигаси йўлланмаси учун курашда давом этишади.

Испания Ла лигаси, 26-тур
Реал Сосьедад – Вальядолид 1:0 (0:0, 1:0)
Гол: 1:0 – 60 Янузай. 
Реал Сосьедад – Ремиро, Сальдуа, Элустондо, Ле Норман, Монреаль, Эдегор (Сангальи, 90), Субельдия, Мерино, Янузай, Исак (Виллиан Жозе, 62), Ойарсабаль (Барренечеа, 69).
Вальядолид – Масип, Мойяно, Оливас, Салису, Рауль Гарсия, Сан-Эметерио (Порро, 75), Хоакин Фернандес (Плано, 63), Алькарас, Гвардиола, Сандро Рамирес, Унал.
Огоҳлантиришлар: Элустондо (28), Гвардиола (70).