Италиянинг «Милан» клуби раҳбарияти жамоа ҳужумчиси Златан Ибрагимовични олиб қолиш ниятида.

38 ёшли швециялик ҳужумчининг шартномаси шу йилнинг ёзида ўз якунига етади, лекин “Милан” келаси йили ЕЧЛда ишлаш ҳуқуқини қўлга киритса, ўртадаги шартнома автоматик равишда узайтирилади.

Tuttosport порталининг тарқатган маълумотига қараганда, «россонерлар» раҳбарияти Ибрагимовичнинг кийиниш хонасидаги муҳитидан қониқмоқда. Раҳбариятнинг сўзларига қараганда, Златаннинг жамоага келиши натижаларнинг ижобий бўлишига таъсир кўрсатган.

Қайд этиш керакки, Ибрагимович жорий мавсумда 9 та учрашувда майдонга тушиб, 3 та гол киритди ва битта голли пасни амалга оширди.