Италия чемпионатининг 26-тури доирасида «Аталанта» ўта йирик ҳисобда ғалаба қозонди. Бергамоликлар сафарда "Лечче" жамоаси меҳмони бўлиб, рақиб дарвозасига нақ 7та тўп йўллади.

Биринчи бўлим ўртасигача меҳмонлар рақиб дарвозасига иккита тўп киритишган бўлса, мезбонлар танаффусга қадар ҳисобни тенглаштиришга муваффақ бўлишди.

Иккинчи таймда эса "Аталанта" ўзининг ҳақиқий кучини намойиш қилиб, рақиб дарвозасига яна 5та тўп йўллади. Бергамоликлар ҳужумчиси  Дуван Сапата "хет-трик"га эришиб, А сериянинг ушбу мавсумидаги голлари сонини 11тага етказиб олди. "Аталанта"нинг Италия чемпионатидаги голлари сони эса 70тага етди.

Ушбу ғалабадан кейин Жан Пьеро Гасперини жамоасининг очколари 48тага етди ва клуб 4-поғонани мустаҳкамлаб олди.

Италия А серияси, 26-тур
Лечче – Аталанта 2:7 (2:2, 0:5)
Голлар: 0:1 – 17, автогол Донати, 0:2 – 22 Сапата, 1:2 – 29 Сапонара, 2:2 – 39 Донати, 2:3 – 47 Иличич, 2:4 – 54 Сапата, 2:5 – 62 Сапата, 2:6 – 87 Муриэль, 2:7 – 90 Малиновский.
Лечче – Габриэл, Донати, Россеттини, Лучони, Кальдерони, Маер (Тахцидис, 63), Барак, Дейола, Манкозу (Шахов, 63), Сапонара, Лападула.
Аталанта – Голлини, Хатебур, Паломино, Кальдара, Госенс, Фройлер, де Рон, Гомес (Малиновский, 69), Пашалич, Иличич (Муриэль, 73), Сапата (Тамез, 85).
Огоҳлантиришлар: Хатебур (45), Паломино (57), Лучони (66), Сапонара (70).