Ла лиганинг ушбу мавсуми тўхтатиб қўйилса, Испания чемпионати регламентида қайси жамоа чемпионликни қўлга киритиши белгилаб қўйилган.
Мавсумнинг 2/3 қисми ўтказилган бўлса, мавсум тўлақонли ўтказилган ҳисобланади. Ҳозирда 27та тури, яъни 71 фоизи бўлиб ўтган.
Регламентга кўра, бундай ҳолатда чемпионликни аниқлаш масъулияти Ла лига ихтиёрида қолади. Чемпионат тўхтатилган вазиятда қайси жамоа пешқадамлик қилаётган бўлса, ўша клуб чемпион сифатида тан олинади. Лекин Лига ўз қарори борасида Испания футбол федерацияси розилигини олиш керак бўлади.
Ҳозирда Испания чемпионатида «Барселона» 58 очко билан пешқадамлик қилаётган бўлса, «Реал» ундан 2 очко ортда қолмоқда.
Эслатиб ўтамиз, Ла лиганинг навбатдаги 2та тур ўйинлари томошабинларсиз ўтказилиши ҳақида қарор қабул қилинган.