Манба хабарига кўра, клубнинг баскетбол жамоаси аъзоларидан бири шифохонага топширган таҳлилларида унинг организмидан коронавирус аниқланган. Шу муносабат билан "Реал" махсус чоралар кўришга мажбур бўлган. Айни дамда баскетболчининг исми-шарифи ошкор қилинмади.
Маълумотларга кўра, карантин ҳам баскетбол, ҳам футбол клуби учун жорий қилинган. Футболчиларнинг бугун эрталабга мўлжалланган машғулотлари бекор қилинган.
Таъкидлаб ўтиш жоизки, "Реал"нинг баскетбол ва футбол клублари анъанавий равишда Вальдебебасдаги қароргоҳда биргаликда машғулотлар олиб боришади.
Эслатиб ўтамиз, "Реал" футбол клуби 13 март куни Ла-лига доирасида "Эйбар"га қарши, 17 март куни ЕЧЛ 1/8 финали жавоб учрашуви доирасида "Манчестер Сити"га қарши майдонга тушиши лозим эди. Шунингдек, Ла Лига ўйинлари ҳам икк ҳафтага тўхтатилди.
