Журналист Николо Скиранинг хабар беришича, ПСЖ сафида ижарада тўп тепаётган Мауро Икарди жамоани тарк этмоқчи.
Манбанинг хабарига кўра, футболчи парижликлар сафида бошқа ўйнамоқчи эмас. Жамоа бош мураббийи Тухель ЕЧЛ плей-офф босқичининг икки ўйинида унинг хизматларидан фойдаланмаган эди.
Маълумотларга қараганда, футболчи учун курашда “Ювентус” етакчилик қилмоқда. “Интер” аргентиналик ҳужумчини 65 миллион евро эвазига қўйиб юборишга тайёр.
Эслатиб ўтамиз, Икарди мавсумнинг биринчи қисмини ажойиб ўтказди. У 31та ўйинда майдонга тушиб, 20та гол уришга эришди.
