14 март, шанба куни "Лейпциг" сўнгги машғулотни ўтказди, шундан сўнг барча футболчиларга жавоб берилди ва келгуси жума кунига қадар индивидуал дастур асосида ишлашади.
"Бундеслигадаги чемпионатни 2-апрелгача тўхтатиш тўғрисида қарор қабул қилинганлиги сабабли, биз карантинни бошламоқдамиз, бу вақт давомида футболчилар индивидуал дастур асосида уйда машқ қилишади. 20-март, жума куни биз машғулотларни нормал режимда давом эттирамиз", - деди клуб спорт директори Маркус Кроше.
Маълумот ўрнида, "Лейпциг" 25-турдан сўнг "Бавария"дан 5 очко ва "Боруссия Д"дан 1 очко ортда қолган ҳолда учинчи поғонани эгаллаб турибди.
