Жисмоний тайёргарлик бўйича Европанинг етакчи мутахассислари коронавирус туфайли тўхтаб қолган миллий чемпионатлар қайта бошланганида футболчилар жисмоний жиҳатдан жиддий муаммоларга дуч келишидан хавотирда.
«Жисмоний тайёргарлик даражаси анча пасаяди. Бу эса жиддий муаммо. Катта танаффусдан кейин спортчилар аъло даражадаги формада бўлади, деб ўйлаш — шунчаки утопия. Ҳар бир профессионал аниқ бир сана, аниқ муcоабақа ёки катта ўйинга тайёрланиш улкан мотивация эканини билади. Аммо ҳозир ҳеч нарса аниқ эмас», — деди Испания терма жамоасининг жисмоний тайёргарлик бўйича собиқ мураббийи Хесус Паредес.
Ўз вақтида "Реал" ва "Уотфорд"да ишлаган Альберто Хиральдес юқоридаги ҳамкасбининг фикрига қўшилади.
«Барча клублар ҳар бир ўйинчининг жисмоний ҳолати пасайиб бораётганини кўради. Баъзи клублар бошқаларга нисбатан қийин вазиятдан яхшироқ чиқиб кетишади. Бунда жисмоний тайёргарлик бўйича мураббийларнинг иши муҳим аҳамиятга эга бўлади.
Карантинда бўлиш барча таъсир кўрсатади. Барча ўйинчилар доимий машғулот даражасини ушлаб туриши жуда муҳим. Профессионал спортчининг гавдаси оптимал даражадаги юкламани кўтариши керак. Акс ҳолда аввалги меҳнатлар орқали эришилган натижаларни осонгина бой бериш мумкин».