Италиянинг «Интер» клуби ҳужумчиси Ромелу Лукаку коронавирус ҳар бир киши учун нақадар зарарли эканлиги ҳақида фикр билдирди.
«Қанчадан бери карантиндаман? 9 кун. Мен машқ қилишни жуда хоҳладим ва клубдагилар билан очилган чатимизда кимда велотренажёр борлигини сўрадим. Чатда ёзишмаларимиздан икки соат ўтиб, менга велотренажёр олиб келишди. Ўз физиотерапевтим билан ишлаяпман, у менга ҳар куни ўқув марказидан овқат олиб келади. Тушликка асосан балиқ ва сабзавотлар еяпман.
Онамни, ўғлимни, кундалик ҳаётимни, ҳатто акамни соғиняпман. Бу жуда қийин, чунки бошқа инсонлар билан суҳбатлашиш тақиқланган. Шунингдек, машғулотларни, ўйинларни ва мухлисларни ҳам соғиндим.
Сиз имкон қадар максимал тарзда эҳтиёт бўлишингиз керак, бу барчага таъсир кўрсатиши мумкин. Сиз бу вирусни тасодифан юқтириб, уйингизга бориб яқинларингизга юқтиришингиз мумкин… Онам қандли диабет билан касалланган, шунинг учун ҳозир уни кўрмаяпман. Онам ҳозир шаҳарга айланишга чиқмаяпти, уйимиз атрофида ҳаво алмаштириб уйга тезлик билан қайтиб кирмоқда. Шундай қийин вазиятларда биз бор нарсаларимизни қадрлашни бошлаймиз. Мен бахтлиман. Шу кунлар мени болалик давримга қайтаради», — деди Лукаку интервью La Gazzetta dello Sport билан суҳбатда.
