Кириш Регистрация
05/04 16:00 Энергетик-БГУ 2-0 Минск
05/04 18:00 Смолевичи 0-1 Витебск
05/04 20:00 Ислочь 2-3 Слуцк

Хабарлар

Трансфер оламидаги янгиликлар

Баҳо:
+ | -

Ушбу рукнимиздаги энг сўнгги янгиликлар билан таништиришда давом этамиз

“Фиорентина” футболчиси ҳаммага керак

“Calciomercato” нашри берган хабарларга қараганда, “Фиорентина” ярим ҳимоячиси    Гаэтано Кастровилли “Наполи” нишонида турибди.

Манба берган хабарларга қараганда, иқтидорли футболчи яқинлашиб келаётган трансфер оянаси чоғида жамоасини ўзгартиради.

Шунингдек унинг ҳизматлари билан Туриннинг “Ювентус” жамоаси ҳам қизиқмоқда, бироқ Кастровилли ўйин амалиёти тақдим этишга қодир жамоада тўп суришни истамоқда.

Эслатиб ўтамиз, ярим ҳимоячини трансфермаркет портал 25 миллион еврога баҳолаган.

“Чемпионшип” юлдузи Лондон клублари нишонида

 

Таниқли “SkySports” нашри берган хабарларга қараганда, “Мидлсбро” клубининг иқтидорли ҳужумчиси – Калум Кавана Лондоннинг “Челси” ва “Арсенал” клублари эътибор марказида турибди.

16 ёшли футболчининг ўйинлари ушбу клублар эътибор билан кузатмоқда.

Бу мавсумда 16 ёшни қарши олган ирландиялик футболчи чемпионшипнинг 16 та учрашувида майдонга тушди ва ўз ҳисобига 6 та гол ёзиб қўйди.

Бейл қандай шарт билан “Тоттенҳем”га қайтмоқчи?

 

Мадриднинг “Реал” жамоаси ҳужумчиси Гарет Бейл фақат бир шарт билангина Лондонга қайтиши мумкинлиги маълум бўлди.

“Mundo Deportivo” нашри тарқатган маълумотга кўра, Бейлни сотиб олиш учун “шпорлар” Кейнни 100 миллион еврога сотишларига тўғри келади.

Испания нашрлари берган хабарларга қараганда, “Реал Мадрид” агар Харрини ўз сафига қўшиб олмқочи бўлса, унинг трансферига Гарет Бейлни қўшиб беришлари шарт.

 

“Арсенал”дан кўтара савдо

 

Таниқли “Goal.com” нашри берган хабарларга қараганда, Лондоннинг “Арсенал”клуби ёзда бир йўла 5 та футболчисини трансферга қўяди.

Унга кўра, Шкодран Мустафи, Сеад Колошинац, Мохамед Эльнени, Генрих Мхитарян ва Сократис Папастатопулослар кетиш учун бош номзодлар сифатида қайт этилмоқда.

Манба берган хабарларга қараганда, арманистонлик футболчи фаолиятини катта эҳтимол билан “Рома” сафида давом эттиради. Қолган футболчиларнинг келажаклари ҳозирча қоронғу бўлиб қолмоқда.

“Ливерпуль”га “Вердер” футболчиси керак

 

Англиянинг “Ливерпул” жамоаси Германиянинг “Вердер” клуби қанот ҳужумчиси Милот Рашиц билан жиддий қизиқиб қолган.

Мерсисайд клуби аллақачон косовалик футболчи учун расмий таклиф жўнатишга улгурди. Британия нашрлари берган хабарларга қараганда, 23 ёшли футболчи катта эҳтимол билан ёзда жамоани тарк этиши кутилаётган Шердан Шакирининг ўрнини эгаллайди.

Немис клуби Милот учун 35 миллион евро талаб қилмоқда. Ҳозирча трансфер ҳақида бошқа маълумотлар йўқ.

Манба: Stadion.uz
Киритилди: 22:15, 23.03.2020.
Ўқилди: 3628 марта.
Фикрлар: 0 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.