Англия терма жамоаси собиқ ярим ҳимоячиси Жо Коулнинг фикрича, муддатдан олдин «Ливерпул»ни чемпионлигини тан олиш адолатсизлик бўлади.
- Албатта, агар имкон бўлса мавсумни тезроқ якунига етказишимиз керак. Бу энг яхши вариант. Аммо, агар мавсумни якунлай олмасак, у кейинги чемпионатга яқин бўлиб қолади. Шунинг учун, ягона йўл — барчасини бошидан бошлаш. Ўйлайманки, бу адолатли бўлади. Агар 100 метрга югуриш мусобақасини 70 метрда якунласангиз, бу жуда кўплаб мунозараларга сабаб бўлади. Спорт кўпинча бизни кутилмаган ҳодисалар билан таъминлайди. Олдиндан бирор нарсага ишонч ҳосил қилиш мумкин эмас, — Коулнинг сўзларидан иқтибос келтирмоқлда Goal.
