Бразилиялик афсонавий футболчи Кафунинг фикрича, унинг ватандоши Неймар техник иқтидор борасида ҳатто Мессидан ҳам устун туради.

«Шахсий маҳорат даражасига кўра, дунёда ҳеч ким Неймар билан тенглага олмайди. Ҳатто Мессига ҳурмат сақлаган ҳолда айтаманки, у бу борада Неймардан ортда қолади. Неймарнинг бир ўзи ҳужумда катта кўламдаги ишларни амалга ошира оладиган футболчилар тоифасига киради. У маъсулиятни ўз бўйнига олиши керак, лекин унга етакчилик қобилияти камлик қилаётгандек туюлмоқда. У аллақачон Бразилия терма жамоасининг катта умиди ҳисобланади.

Неймар майдондалигида ўз жамоага катта ёрдам беради. У ҳар бир ҳужумда 7-8 нафар рақибни ортда қолдира олади. Неймар сабабли, унинг жамоасида бўш зоналар юзага келади. Ушбу фактлар Неймарнинг қандай футболчи эканлигини кўрсатиб турибди», — деди Кафу.