Англиянинг «Манчестер Юнайтед» клуби собиқ ҳужумчиси Димитар Бербатов жамоа сафида «Боруссия» футболчиси Джейдон Санчони кўриш ниятида эканлигини яширмади.
«Санчо «Манчестер Юнайтед» клубига келиши ҳақида жуда кўплаб маълумотлар тарқатилди. У англиялик, «МЮ» у билан шартнома имзолаш ниятида. Лекин Санчо бу ерга кўчиб ўтишни икки марта кўп ўйлаяпти деб ўйламайман.
Унинг иқтидори юқорилигини, тезлигини, кўплаб гол уришини ҳамда голли пасларни амалга оширишини аввал ҳам айтганман. Аминманки, агар у фаолиятини АПЛда давом эттирса Гарет Саутгейт уни кузатади ва Англия терма жамоасида ўйнаш имкониятига эга бўлади.
Санчо «МЮ» учун ажойиб қўшимча бўлади, лекин уларнинг қандай ўйнашларини кўришга қизиқаман. «МЮ»да Рэшфорд, Марсьяль, Джеймс, Гринвудлар бор ва эҳтимол кейинги мавсумда Санчо ҳам бўлар. Уларнинг барчасини бир вақтда майдонда ўйнаётганини тасаввур қилиш қийин.
Агар у бошқа вариантларни кўриб чиқаётган бўлса, у ўзининг одатий ўйин амалиётидек ишончли бўлиши керак. Унинг бошқа клубга ўтишидан маъно йўқ.
Сульшер аста-секин ёш футболчилар билан жамоани шакллантириб бормоқда. Уларнинг тўғри йўналишда ҳаракатланаётганини кўриш ёқимли. Агар Санчо "МЮ"га келса ажойиб иш бўларди» деди Бербатов.
