Angliyaning «Manchester Yunayted» klubi sobiq hujumchisi Dimitar Berbatov jamoa safida «Borussiya» futbolchisi Djeydon Sanchoni ko‘rish niyatida ekanligini yashirmadi.

«Sancho «Manchester Yunayted» klubiga kelishi haqida juda ko‘plab ma’lumotlar tarqatildi. U angliyalik, «MYU» u bilan shartnoma imzolash niyatida. Lekin Sancho bu yerga ko‘chib o‘tishni ikki marta ko‘p o‘ylayapti deb o‘ylamayman.

Uning iqtidori yuqoriligini, tezligini, ko‘plab gol urishini hamda golli paslarni amalga oshirishini avval ham aytganman. Aminmanki, agar u faoliyatini APLda davom ettirsa Garet Sautgeyt uni kuzatadi va Angliya terma jamoasida o‘ynash imkoniyatiga ega bo‘ladi.

Sancho «MYU» uchun ajoyib qo‘shimcha bo‘ladi, lekin ularning qanday o‘ynashlarini ko‘rishga qiziqaman. «MYU»da Reshford, Marsyal, Djeyms, Grinvudlar bor va ehtimol keyingi mavsumda Sancho ham bo‘lar. Ularning barchasini bir vaqtda maydonda o‘ynayotganini tasavvur qilish qiyin.

Agar u boshqa variantlarni ko‘rib chiqayotgan bo‘lsa, u o‘zining odatiy o‘yin amaliyotidek ishonchli bo‘lishi kerak. Uning boshqa klubga o‘tishidan ma’no yo‘q.

Sulsher asta-sekin yosh futbolchilar bilan jamoani shakllantirib bormoqda. Ularning to‘g‘ri yo‘nalishda harakatlanayotganini ko‘rish yoqimli. Agar Sancho "MYU"ga kelsa ajoyib ish bo‘lardi» dedi Berbatov.