The Independent порталининг тарқатган маълумотига қараганда, АПЛ раҳбарияти бу йилги мавсумни якунлаш учун турли хил вариантларни кўриб чиқмоқда.
Ўша вариантлардан бири - чемпионатнинг қолган 92 та ўйинини июн-июл ойларида Лондон ва бошқа шаҳарлардаги машғулот майдонларида ўтказилиш режалаштирилмоқда. Мавсум катта тезликда мухлисларсиз ўтказилиши, лекин тўлақонли ТВ трансляция билан якунланиши кўзда тутилган.
Ўйинлар ҳар куни ўтказилиши режалаштирилган. Бунинг учун махсус стратегия ишлаб чиқилади. Унда ҳар бир жамоа бошқа жамоалардан ажратилиб, ўз спорт қароргоҳларида карантинга олинади.
Футболчилар ўз оилалари билан мулоқотда бўлишмайди, шунингдек, бошқаларга хавф туғдирмасликлари учун ҳар куни тест синовларидан ўтказилади. Худди шундай тақдир футболчилардан ташқари, расмийларни ва ТВ ходимларини ҳам кутади.
