Қизиқ хабар — апрель ойида «Реал» – «Ювентус» ўйини бўлиб ўтади. Никарагуа чемпионатида 9 апрель куни шундай ўйин кутиб турибди.

Никарагуа – Марказий Америкада футбол чемпионати давом этаётган ягона мамлакат ҳисобланади. Ҳозир чемпионатда мавсумнинг иккинчи қисми — Клаусара қизғин паллага кирган.

Мусобақа иккита босқичдан иборат: мунтазам чемпионат ва плей-офф. Биринчи давра — Апертурада Эстели шаҳрининг «Реал» клуби ғолиб чиқди.

Клаусурада эса ҳозирча «Манагуа» пешқадамлик қилмоқда. Аммо «Реал» бу клубдан 2 очко ортда бормоқда. Агар иккинчи даврада ҳам Эстели шаҳри клуби ғалаба қозонса, клуб чемпионликни қўлга киритади. Акс ҳолда, Клаусура ва Апертура ғолиблари ўртасида қўшимча финал ўйини ўтказилади.

Ҳозирда Никарагуада расман 5 кишида коронавирус аниқланган бўлса, бир киши вафот этган. Чемпионат эса давом эттирилмоқда. Юқорида тилга олинган «Реал» - «Ювентус» ўйини 9 апрель куни ўтказилади. Манагуа шаҳрининг "Ювентус" клуби Клаусурада 6-ўринда бормоқда.

Никарагуа чемпионати (клаусура)