"Ювентус"нинг колумбиялик футболчиси Хуан Куадрадо коронавирус сабаб, жамоанинг барча футболчилари ҳеч қандай муаммосиз маошларининг қисқартирилишига рози бўлганликларини айтиб берди.
«Кьеллини менга қўнғироқ қилганини эслайман. У мени жамоадошларимиз орасида очилган чатга улади. Муҳокама бошланди ва барча дарҳол маошларнинг қисқартирилишига рози бўлишди. Биз бошқаларга намуна бўлишга тайёрмиз.
Мен Туринда оилам билан карантинда бўлдим. Касалхоналарда содир бўлаётган даҳшатли воқеаларни кўрдим. Мен барча маошимни шифокорларга ва беморларга бера оламан, чунки, энди менга бу пуллар керак эмаслигини тушуняпман», — деди Куадрадо.
