"Валенсия" ҳужумчи Родриго Моренога янги шартнома таклиф қилади, деб хабар беради Super Deporte портали.
"Валенсия" ҳужумчини жамоада сақлаб қолмоқчи ва яқин кунларда у билан музокараларни бошлаш ниятида. Испания клуби раҳбарияти ёзда 60 млн евро эвазига ўз футболчисини қўйиб юборишга тайёр эди, аммо Евро-2020 қолдирилиши улар режаларини қайта кўриб чиқишга мажбур қилди.
Эслатиб ўтамиз, Родригонинг "Валенсия" билан амалдаги шартномаси 2022-йилнинг июнигача ҳисобланади.
Маълумот ўрнида, ушбу мавсумда 29 ёшли футболчи "Валенсия" сафида 28 та учрашувда, 5 та гол ва 11 та голлик узатмани амалга оширган.
