Беларусь чемпионати ҳам коронавирус пандемияси сабабли, исталган пайтда тўхтатиб қўйилиши мумкин. Бу ҳақда Беларусь футбол федерацияси (БФФ) бош котиби Сергей Жардецкий маълумот берди.
"Биз ҳар куни спорт вазирлиги ва соғлиқни сақлаш вазирлиги билан гаплашиб турибмиз. Улар бизга оператив тарзда маълумот беришмоқда. Федерация раҳбари спорт вазири билан учрашиб турибди. Биз вазиятни назорат остига олганмиз. Агар етарлича сабаблар бўлса, ёки қандайдир хавф сезилса, исталган пайтда чемпионатни тўхтатишимиз мумкин", - деди Жардецкий "Прессбол" билан суҳбатда.
Эслатиб ўтамиз, Беларусь чемпионати Европада коронавирус билан боғлиқ вазиятга қарамай, ички биринчилиги тўхтатилмаган ягона чемпионат бўлиб турибди.
