«Барселона» ҳужумчиси Луис Суарес каталонияликлар Неймар ва Лаутаро Мартинесга қизиқаётгани ҳақидаги хабарларга ўз муносабатини билдирди.

«Ҳозир бу ўйинчилар ҳақида нимадир айтиш қийин. Жаҳондаги вазиятни инобатга олганда, қайси ўйинчи жамоани кучайтириши мумкинлиги ҳақида гапириш қийин. Лекин менда кучли футболчиларга нисбатан симпатия мавжуд.

Неймарни барча билади. Жамоадагилар уни қадрлашар эди. У клубга қайтса, катта фойдаси тегади. Шу боис, уни илиқлик билан кутиб оламиз.

Лаутаро эса Италия чемпионатида ўсишга эришди. У жуда яхши ҳаракат қила оладиган «тўққизинчи рақамли ўйинчи». Бу ҳолат унинг ажойиб ҳужумчи эканини англатади.

Ҳамиша соғлом рақобат бўлган ва бундан кейин ҳам шундай бўлади. Шунинг учун бу футболчиларни хурсандчилик билан кутиб олишга тайёрмиз. Рақобат туфайли жамоа янада кучлироқ бўлади», – деди Суарес.