Жаҳондаги футбол мухлислари сингари, ўйинчилар ҳам иккига бўлинган. Уларнинг ярми Лионель Мессини дунёнинг энг яхши футболчиси деб ҳисобласа, қолган ярмини Криштиану Роналдуни тан олади.
Энди Мессининг ишқибози бўлган ўйинчилардан тузилган рамзий жамоани эътиборингизга ҳавола қиламиз.
1. Жанлуиджи Буффон. Италиялик посбон ҳозирда Роналду билан бир жамоада ўйнаётганига қарамай, бутун фаолияти давомида Мессини жаҳоннинг энг яхши ўйинчиси эканини таъкидлаб келди.
2. Жон Терри. Терри Европа чемпионлар лигаси доирасида Месси билан тўқнаш келган ва фаолияти давомида аргентиналик ўйинчидан кучлироқ футболчини кўрмаганини таъкидлаган.
3. Карлес Пуйоль. «Барса» сардори Мессини футбол тарихидаги энг яхши ўйинчилар рўйхатининг биринчи поғонасига қўйиб келган.
4. Дани Алвес. Месси билан бирга жуда кўп ўйинларда иштирок этган ва Леонинг ҳақиқатан зўр футболчи эканига ишонч ҳосил қилган.
5. Жорди Альба. Испаниялик ҳимоячи майдонда Месси билан жуда яхши партнер бўлиш билан бирга, у жамоадошини журналистлар ва клуб раҳбарияти билан бўлган можаролардан ҳимоя қилиб келади.
6. Хави. У Лео билан нафақат яхши жамоадош бўлган, балки улар ҳақиқий дўст. Месси Хавининг рўйхатида ҳамиша биринчи поғонада бўлади.
7. Серхио Бускетс ҳақида ҳам худди шундай фикр билдириш мумкин.
8. Пол Скоулз. Пол «МЮ» таркибида Криштиану билан бирга ўйнаган бўлса-да, Мессининг мухлиси ҳисобланади.
9. Это'O. Европани зир титратган ҳужум жуфтлиги.
10. Неймар. Леонинг ҳозирги кундаги яқин дўсти. Улар яна «Барселона»да бирга ўйнашни исташади.
11. Бекхэм. «МЮ» ва «Реал» клубларининг собиқ юлдузи, қанчалик ғалати бўлмасин, Мессини буюк футболчи деб ҳисоблайди.
