Jahondagi futbol muxlislari singari, o‘yinchilar ham ikkiga bo‘lingan. Ularning yarmi Lionel Messini dunyoning eng yaxshi futbolchisi deb hisoblasa, qolgan yarmini Krishtianu Ronalduni tan oladi.
Endi Messining ishqibozi bo‘lgan o‘yinchilardan tuzilgan ramziy jamoani e’tiboringizga havola qilamiz.
1. Janluidji Buffon. Italiyalik posbon hozirda Ronaldu bilan bir jamoada o‘ynayotganiga qaramay, butun faoliyati davomida Messini jahonning eng yaxshi o‘yinchisi ekanini ta’kidlab keldi.
2. Jon Terri. Terri Yevropa chempionlar ligasi doirasida Messi bilan to‘qnash kelgan va faoliyati davomida argentinalik o‘yinchidan kuchliroq futbolchini ko‘rmaganini ta’kidlagan.
3. Karles Puyol. «Barsa» sardori Messini futbol tarixidagi eng yaxshi o‘yinchilar ro‘yxatining birinchi pog‘onasiga qo‘yib kelgan.
4. Dani Alves. Messi bilan birga juda ko‘p o‘yinlarda ishtirok etgan va Leoning haqiqatan zo‘r futbolchi ekaniga ishonch hosil qilgan.
5. Jordi Alba. Ispaniyalik himoyachi maydonda Messi bilan juda yaxshi partner bo‘lish bilan birga, u jamoadoshini jurnalistlar va klub rahbariyati bilan bo‘lgan mojarolardan himoya qilib keladi.
6. Xavi. U Leo bilan nafaqat yaxshi jamoadosh bo‘lgan, balki ular haqiqiy do‘st. Messi Xavining ro‘yxatida hamisha birinchi pog‘onada bo‘ladi.
7. Serxio Buskets haqida ham xuddi shunday fikr bildirish mumkin.
8. Pol Skoulz. Pol «MYU» tarkibida Krishtianu bilan birga o‘ynagan bo‘lsa-da, Messining muxlisi hisoblanadi.
9. Eto'O. Yevropani zir titratgan hujum juftligi.
10. Neymar. Leoning hozirgi kundagi yaqin do‘sti. Ular yana «Barselona»da birga o‘ynashni istashadi.
11. Bekxem. «MYU» va «Real» klublarining sobiq yulduzi, qanchalik g‘alati bo‘lmasin, Messini buyuk futbolchi deb hisoblaydi.
