Беларуслик собиқ футбол юлдузи, ўз вақтида “Милан”, “Сампдория”, “Парма” клублари шарафини ҳимоя қилган Виталий Кутузов Беларусь чемпионатининг ушбу мавсуми ҳақида ўз фикрини билдириб ўтди. Жумладан, у “Энергетик-БГУ” ҳужумчиси Жасур Яхшибоев ҳақида илиқ фикр билдирди.

“Энергетик” сафида ажойиб ҳужумчи бор. Назаримда, Яхшибоев – мавсум кашфиёти. Бундай ҳужумчи ҳаттоки БАТЭ сафида ҳам йўқ. Менга бу йигитнинг ўйини маъқул келмоқда. У юқори савиядаги футбол маҳоратини намойиш қилди: алдаб ўтиш, жамоадошларини яхши тушуниш — барчаси уйғунликда. Унда ҳали захира борлиги кўриниб турибди”, — деди Кутузов.