Беларусь чемпионатининг ушбу мавсумдаги пешқадами «Энергетик-БГУ» 4-тур доирасида «Торпедо-БелАЗ» клуби меҳмони бўлиб, имкониятни бой берди.

"Талабалар" биринчи бўлимда фаол ўйнашга интилишди, аммо яратилган кам сонли имкониятлардан фойдалана олишмади. Боз устига, мезбон ҳимоячилар ўйинни асосий таркибда бошлаган Яхшибоевни яхши қўриқлашди.

Иккинчи бўлимда мезбонлар иккита имкониятдан самарали фойдаланишди. 55-дақиқада Хачатурян, 66-дақиқада эса Габриел Рамос меҳмонлар дарвозасини ишғол қилди.

Баҳснинг 59-дақиқасида Шаҳбоз Умаровнинг майдонга тушиши ҳам «Энергетик-БГУ»га наф келтирмади. Жасур эса ўйин охиригача майдонда ҳаракат қилди.

Шу тариқа, «Энергетик-БГУ» мавсумда илк марта ютқазган бўлса, «Торпедо-БелАЗ» очколар бўйича пешқадамга етиб олди.

Беларусь чемпионати, 4-тур
Торпедо-БелАЗ – Энергетик-БГУ 2:0 (0:0, 2:0)
Голлар: 1:0 – 55 Хачатурян, 2:0 – 66 Габриэл Рамос.
Торпедо-БелАЗ – Бушма, Устинов, Бордачев, Яшин, Степанов, Афанасьев (Николаевич, 64), Хачатурян, Премудров, Габриэл Рамос, Антилевский (Липе, 79), Горбачик (Юсов, 62).
Энергетик-БГУ – Садовский, Юдчиц (Гирс, 70), Сокол, Шкурдюк, Свирепа, Мавату, Носко, Яхшибоев, Совпель (Умаров, 59), Тве, Атеменг (Бакич, 46).
Огоҳлантиришлар: Совпель (11), Носко (17), Габриэл Рамос (45), Гирс (77), Бакич (85).