Италиянинг «Порденоне» клуби президенти Мауро Ловиса коронавирусга чалинди. Бу ҳақда В Серия клуби расмий сайтида маълум қилинди.
"Сўнгги соатлар ичида ОАВда коронавирусга чалинганим ҳақидаги хабарларни инобатга олган ҳолда шуни айтмоқчиман: ҳа, мен ҳам бу лаънати вирусга йўлиқдим ва ўзимни яхши ҳис қилмоқдаман, бироқ ҳозирча тўлиқ тузалганим йўқ. Кейинги ҳафта янги таҳлил топшираман, умид қиламанки, бу ёқимсиз дақиқалар ортда қолади", — дея 55 ёшли функционер сўзларини келтирмоқда "Порденоне" матбуот хизмати.
Маълумот учун, "Порденоне" жорий мавсум В Сериянинг 28 ўйинида 45 очко тўплаган ҳолда тўртинчи ўринда бормоқда.
