«Манчестер Юнайтед» ярим ҳимоячиси Неманья Матич Криштиану Роналду ёки Лионель Мессидан қайси бири кучли экани ҳақидаги саволга жавоб бера олмаслигини айтди.

«Агар ўғлимдан сўрасангиз, у Роналду — зўр, дейди. Месси билан таққослаганда, улар турли тоифадаги футболчилар. Албатта, Криштиаунинг иқтидори бор. Лекин у муваффақиятларининг аксариятига тинимсиз меҳнат эвазига эришган. Мессида ҳам талант бор. Мен уни меҳнат қилмайди, деб айтмайман. Табиийки, у ҳам ишлайди. Лекин улар — ҳар хил ўйинчилар.

Улардан қайси бир кучли эканини айта олмайман. Улар — сўнгги 15 йил ичида жаҳоннинг энг кучли икки футболчилари. Кимдир Мессини, бошқаси Роналдуни танлайди.

Фикримча, улар 15 йилдан бери бир хил савияда ўйнаб келишмоқда. Улар амалга ошираётган иш — ҳайратланарли. Узоқ йиллар давомида бундай даражани ушлаб туриш жуда қийин. Назаримда, улар футбол тарихидаги энг яхши ўйинчилар», – деди Матич.

Маълумот ўрнида.
— Месси олтита, Роналду бешта «Олтин тўп»ни қўлга киритган.
— Аргентиналик футболчи клуб даражасида 34та, португалиялик ўйинчи 28та совринга эга чиққан.
— Роналду терма жамоа билан Евро-2016 ва Миллитлар лигаси-2019да ғолиб чиққан бўлса, Месси ҳисобида Олимпиада-2008 чемпионлиги мавжуд.