Sky Sports порталининг тарқатган хабарига қараганда, "Манчестер Сити" ва "Манчестер Юнайтед" клублари Германиянинг "Лейпциг" клуби марказий ҳимоячиси Дайо Упамеканога жиддий қизиқиш билдиришмоқда.
21 ёшли франциялик Европада энг иқтидорли марказий ҳимоячи сифатида тилга олинмоқда, шу сабабли, Европанинг бир қатор кучли клублари скаутлари нишонида турибди.
"МЮ" раҳбарияти Упамеканони Крис Смоллинг ва Фил Жонсга муносиб ўринбосар сифатида кўраётган бўлса, "шаҳарликлар" анчадан бери марказий ҳимояга жиддий футболчи излашмоқда.
21 ёшли Упамеканонинг трансфер нархи 60 миллион еврони ташкил қилишиб мумкин. Унинг жамоаси билан амалдаги шартномаси кейинги йилнинг ёзида ўз якунига етади.
