Мадриднинг «Реал» клуби собиқ футболчилари Роналдо ва Дэвид Бекҳэм Instagram орқали жонли эфирда суҳбат қурди.

Бекҳэм суҳбатда мадридликлар кийиниш хонасидаги илк кунини эслади: «Эсимда сен шундай дегандинг: «Биз ҳар доим айтиб келамиз, Бекҳэм — Бразилия терма жамоасида ўйнаб кета оладиган ягона инглиз футболчиси». Мен ҳеч қачон бу гапларинга ишонмаганман, бироқ бу сўзлар учун раҳмат! Нимага буни гапиряпман? Чунки бразилияликлар — энг яхши футболчилар. Сен буни яхши биласан».

Роналдо Дэвидга қуйидагича жавоб қайтарди: «Ўшанда бу гапларни чин дилдан айтгандим. Сен футбол тарихидаги энг яхши марказ ўйинчиларидан бирисан. Бу тўп билан ишлашингда кўринарди. Исталган жойга тўпни етказиб бера олардинг, менга қарашинг шарт эмас эди. Шунчаки олдинга югурардим ва тўп мен томон етиб келарди. Бу узатмалар учун сенга раҳмат айтишим керак».

Роналдо «Реал» сафида 2002—2007 йиллар мобайнида тўп сурган. Бекҳэм эса 2003 йилдан 2007 йилга қадар Мадрид клуби либосини ҳимоя қилган.