Дортмунднинг «Боруссия» клуби қанот ҳимоячиси Ашраф Хакимини ўз сафида сақлаб қолишга ҳаракат қилмоқда дея хабар тарқатмоқда AS нашри.
Ҳуқуқий жиҳатдан "Реал" клубига тегишли бўлган Хакими шу мавсум якунига етгач, мадридга қайтиши керак. Бироқ, «Боруссия» клуби раҳбарияти Хакимининг ижара муддатини узайтиришга, ҳатто уни кейинчалик сотиб олишга ҳаракатни бошлаб юборишди.
Европада ички чемпионатлар қайта тикланганидан кейин «Боруссия» «Реал» билан музокара олиб боришни режалаштирмоқда. Ўз навбатида "Реал" «Боруссия»нинг икки нафар футболчиси - Эрлинг Холанд ва Жейдон Санчоларга қизиқиш билдирмоқда, шунинг учун, «қаймоқранглилар» Хакими борасида дортмундликлар билан муроса кўчасини танлашлари мумкин.
