Хитойда футбол мавсуми июнь ёки июль ойларида бошланиши режалаштирилмоқда.

Goal.com порталининг тарқатган маълумотига қараганда, Хитой футбол ассоциацияси клубларга янги чемпионатга тайёргарликни бошлаш кераклиги ҳақида кўрсатма берди.

Барча футболчилар коронавирус учун икки марта тест топширишади: биринчиси яқин кунлар ичида, иккинчиси эса — чемпионат бошланишига бир ҳафта қолганида.

Хитой чемпионати аслида 22 февраль куни бошланиши керак эди, бироқ, коронавирус пандемияси туфайли чемпионат старти қолдирилган эди.

Мамлакатнинг амалдаги чемпиони Фабио Канаваро бош мураббийлик қилаётган «Гуанчжоу» клуби ҳисобланади.