Xitoyda futbol mavsumi iyun yoki iyul oylarida boshlanishi rejalashtirilmoqda.
Goal.com portalining tarqatgan ma’lumotiga qaraganda, Xitoy futbol assosiasiyasi klublarga yangi chempionatga tayyorgarlikni boshlash kerakligi haqida ko‘rsatma berdi.
Barcha futbolchilar koronavirus uchun ikki marta test topshirishadi: birinchisi yaqin kunlar ichida, ikkinchisi esa — chempionat boshlanishiga bir hafta qolganida.
Xitoy chempionati aslida 22 fevral kuni boshlanishi kerak edi, biroq, koronavirus pandemiyasi tufayli chempionat starti qoldirilgan edi.
Mamlakatning amaldagi chempioni Fabio Kanavaro bosh murabbiylik qilayotgan «Guanchjou» klubi hisoblanadi.
