Швециялик ҳужумчи Златан Ибрагимович "Милан" клуби билан шартномасини узайтиришни режалаштирмоқда дея хабар тарқатмоқда Corriere dello Sport.
Манбанинг ёзишича, агар келаётган трансфер бозорида "Милан" раҳбарияти яхши харидларни амалга оширса, у ҳолда 38 ёшли футболчи "рассонерлар" билан шартномани узайтиради.
Иброҳимовичнинг "Милан" билан амалдаги шартномаси шу йилнинг 30 июнь куни ўз якунига етади. Златан жорий мавсумда 10 та учрашувда майдонга тушди ва 4 та гол киритиш билан бир қаторда битта голли пасни амалга оширди.